L'ABRAZU DE SATURNU
Mudanza
10.07.07 -
De Heráclitu a los poetes chinos, de Santa Teresa a Manrique o Gil de Biedma, de Omar Jayyam a Zimborska, nun hai lliteratura o xeografía que se resista a falar del tránsitu humanu como permanente mudanza. Y nadie que tenga vivío unos cuantos años podrá negalo. La vida ye cambiu, tránsitu, mudanza. Agora bien, una cosa ye la abstracción, la lliteratura y el pensamientu filosóficu y otra bien distinta ye acarretar d'una casa a otra los trastos acumulaos a lo llargu los años, los cientos de llibros (¿dios míu, cuántu llibru!) y tanta y tanta cosa más o menos inútil. La mudanza concreta y física, la que te dexa les manes aspres del polvu y los músculos galdíos, ye -como tol mundu sabe-, un peñazu. Y si amás la fais en mediu de los calores madrileños de primeros de xulu, pue llegar a convertise nuna auténtica pesadilla.
Pero igual que l'estáu d'embriaguez, la mudanza tamién tien les sos fases. La cosa entama con ciertu ánimu (fase de voluntá) pero a medía que vas avanzando y que les caxes s'apinen unes enriba d'otres como pieces xigantes d'un mecanu estrañu y perversu, comprendes que toles previsiones yeren optimistes en comparación cola realidá. La segunda fase empieza cuando calcules que vas pela mitá (y siempre calcules mal) y pienses que nun tris ta too llisto. Esta ye la 'fase d'euforia' que, por cierto, como toa euforia, ye la más efímera. Primero empices por boriar pa tigo mesma falando colos oxetos que se nieguen a encaxar nos llugares que tu-yos asignes, pero deseguida esa especie de marmur interior conviértese nun españíu incontrolable cola so consiguiente manifestación de sapos y culiebres pela boca.
Y, por fin, aportes cola llingua fuera a la fase final, ésa que nun pue llamase más que 'fase de depresión'. Tolo que ye la to to historia personal y que ta acabante de pasar peles tos manes en forma d'oxetos, papelos, llibros y demás inventos variopintos, parezte agora completamente absurdo. De fechu, la to vida mesma abúltate un sinfin de despropósitos y nun aciertes a desplicáte en qué chasti los últimos años o en qué especie de vaciu ta convirtiéndose la to existencia. Lo malu d'esta fase ye que nos sos casos más agudos puede allargase dellos díes más p'allá de la propia mudanza.
Yo toi de mudanza y mientres pongo la última cinta d'embalaxe na última caxa prométome a migo mesma que más nunca, qu'ésta ye la última y definitiva. Polo menos, de momentu.
Pero igual que l'estáu d'embriaguez, la mudanza tamién tien les sos fases. La cosa entama con ciertu ánimu (fase de voluntá) pero a medía que vas avanzando y que les caxes s'apinen unes enriba d'otres como pieces xigantes d'un mecanu estrañu y perversu, comprendes que toles previsiones yeren optimistes en comparación cola realidá. La segunda fase empieza cuando calcules que vas pela mitá (y siempre calcules mal) y pienses que nun tris ta too llisto. Esta ye la 'fase d'euforia' que, por cierto, como toa euforia, ye la más efímera. Primero empices por boriar pa tigo mesma falando colos oxetos que se nieguen a encaxar nos llugares que tu-yos asignes, pero deseguida esa especie de marmur interior conviértese nun españíu incontrolable cola so consiguiente manifestación de sapos y culiebres pela boca.
Y, por fin, aportes cola llingua fuera a la fase final, ésa que nun pue llamase más que 'fase de depresión'. Tolo que ye la to to historia personal y que ta acabante de pasar peles tos manes en forma d'oxetos, papelos, llibros y demás inventos variopintos, parezte agora completamente absurdo. De fechu, la to vida mesma abúltate un sinfin de despropósitos y nun aciertes a desplicáte en qué chasti los últimos años o en qué especie de vaciu ta convirtiéndose la to existencia. Lo malu d'esta fase ye que nos sos casos más agudos puede allargase dellos díes más p'allá de la propia mudanza.
Yo toi de mudanza y mientres pongo la última cinta d'embalaxe na última caxa prométome a migo mesma que más nunca, qu'ésta ye la última y definitiva. Polo menos, de momentu.
