LES VUELTES DEL GATU
El llionés, llingua de nueso
VA yá pa unos años, nun viaxe que fixi per La Cabreira, conocí a una señora n'Ouballu, un llugar que vuela sobre una peña, allá ribones del valle, y pude falar con ella nesta llingua que compartimos, asturianos y llioneses, y qu'a ún llau y al otru del cordal ta en peligru d'olvidu. La Cabreira, por si nun lo saben, ye un d'esos corredorios del laberintu llionés, tan desconocíu pa los asturianos; trátase d'un valle que llenda, pel norte, col Bierzu y, pel sur, cola Senabria. El paisaxe, ellí, ye magníficu: rebollares mestos, pontes de piedra, tierra bermeyo, carreteres imposibles sobre precipicios pindios. Yo yá sabía, porque lliera los trabayos de Concepción Lobato, que naquel valle falábase, inda a mediaos de los años 50 del pasáu sieglu, una variedá d'asturllionés occidental, mui parecida a la que se gasta pel mio Tinéu natal; lo que nun sabía, porque nunca fora hasta ellí, ye qu'esa variedá llingüística siguía con vida porque había paisanos que se mandaben tovía d'ella. Ye verdá que yá mui pocos la falen, simplemente porque en La Cabreira vive yá mui poca xente; y al meyor por esti motivu, porque yera consciente de que taba falando na mio llingua con dalquién que la mantuviera en casa callada y humildemente, foi polo que sentí una emoción verdadera, una emoción que nun se puede impostar: aquella señora y yo -ella d'Ouballu y yo de Tinéu-tábamos construyendo naquella charla a la puerta de so casa una ponte sobre sieglos d'olvidu.
Agora sal la noticia, gran noticia, que nes escueles de Llión, Zamora y Salamanca va entamase a impartir clas d'asturllionés a los escolinos. Al asturllionés nós llamámoslu asturianu o bable; los del sur quieren más falar de llionés o de mirandés; a mi dame igual cómo lo llamen porque lo que m'importa ye reconoceme nes sos palabres. En La Cabreira, por exemplu, aquella señora adeprendióme la diferencia ente'l 'pan nuevu' y el 'pan seruendu', fechu cadún con diferentes clases de trigu y diferente 'armientu', que yera como ella castellanizaba'l formientu de tolos díes. Los que falaron esta llingua tradicionalmente, los que la caltuvieron, nun foron políticos precupaos pola patria nin doctos profesores universitarios: foron pastores humildes que nel puertu nunca conocieron la frontera.
Dame igual qu'a la mio llingua se la llame d'una manera o otra, dame igual la ortografía que tenga: sé que comparto, a ún y otru llau del cordal, un universu llingüísticu, una forma de ver el mundu.
Sé qu'en cuestiones de llingua, mui per encima de los gramáticos, ta la voluntá de la xente de siguir siendo. Ye verdá que les coses, pa bien ser, habríen facese coordinaes. La improvisación ye l'amiga del momentu presente y la paridora de desgracies de los momentos futuros. D'eses coses, n'Asturies, sabemos abondo y diba ser una pena que se repitieran errores absolutamente gratuitos. De nada val, por exemplu, amañar una koiné ideal si esa koiné nun ye un espeyu onde los falantes de siempre se reconozan; de nada val convertir la llingua nun símbolu a cencielles: tien que ser más, muncho más. Espero qu'en Llión, tan bona tierra, sepan sacar alantre un proyectu que ye'l d'ellos pero qu'indefectiblemente tamién ye'l de nueso. Espérolo porque en cuestiones de corazón siempre hai qu'esperar polo meyor, polo más bono, pero hai que tar alvertíos de les pasiones irreconciliables.
De momentu, yá ye yá un milagru que teamos equí, en plenu sieglu XXI, dándo-y vida a unes palabres que yá enveredaben camín del olvidu. Un milagru que namás la bona voluntá y el conocimientu mutuu habrán mantener.
Agora sal la noticia, gran noticia, que nes escueles de Llión, Zamora y Salamanca va entamase a impartir clas d'asturllionés a los escolinos. Al asturllionés nós llamámoslu asturianu o bable; los del sur quieren más falar de llionés o de mirandés; a mi dame igual cómo lo llamen porque lo que m'importa ye reconoceme nes sos palabres. En La Cabreira, por exemplu, aquella señora adeprendióme la diferencia ente'l 'pan nuevu' y el 'pan seruendu', fechu cadún con diferentes clases de trigu y diferente 'armientu', que yera como ella castellanizaba'l formientu de tolos díes. Los que falaron esta llingua tradicionalmente, los que la caltuvieron, nun foron políticos precupaos pola patria nin doctos profesores universitarios: foron pastores humildes que nel puertu nunca conocieron la frontera.
Dame igual qu'a la mio llingua se la llame d'una manera o otra, dame igual la ortografía que tenga: sé que comparto, a ún y otru llau del cordal, un universu llingüísticu, una forma de ver el mundu.
Sé qu'en cuestiones de llingua, mui per encima de los gramáticos, ta la voluntá de la xente de siguir siendo. Ye verdá que les coses, pa bien ser, habríen facese coordinaes. La improvisación ye l'amiga del momentu presente y la paridora de desgracies de los momentos futuros. D'eses coses, n'Asturies, sabemos abondo y diba ser una pena que se repitieran errores absolutamente gratuitos. De nada val, por exemplu, amañar una koiné ideal si esa koiné nun ye un espeyu onde los falantes de siempre se reconozan; de nada val convertir la llingua nun símbolu a cencielles: tien que ser más, muncho más. Espero qu'en Llión, tan bona tierra, sepan sacar alantre un proyectu que ye'l d'ellos pero qu'indefectiblemente tamién ye'l de nueso. Espérolo porque en cuestiones de corazón siempre hai qu'esperar polo meyor, polo más bono, pero hai que tar alvertíos de les pasiones irreconciliables.
De momentu, yá ye yá un milagru que teamos equí, en plenu sieglu XXI, dándo-y vida a unes palabres que yá enveredaben camín del olvidu. Un milagru que namás la bona voluntá y el conocimientu mutuu habrán mantener.
