Esti sábadu cellébrense los XIII Alcuentros Poéticos nes Cuerres

L'aldea cuasi abandonada de Les Cuerries, nel conceyu Piloña, acueye esta fin de selmana los XIII Alcuentros Poéticos, que desarrolla'l poeta y artista Armando Vega, enfotáu en llevar un eventu d'altor y calidá al requexu que lu vio medrar.

Los Alcuentros siguen espardiendo les sos convocatories culturales que se desarrollen, tanto nesti requexu rural de la xeografía de Piloña, como en L'Infiestu, capital del conceyu. Ta previsto que l'entamu tenga llugar a les once d'esta mañana precisamente na Casa Cultura Marqués de Vistalegre. Darréu será turnu pa la primer cita musical cola soprano Tina Gutiérrez, xunto col pianista, Mario Álvarez Blanco.