Manuel García Menéndez publica 'Néctar dulce son los llevantos'

Estes histories, o otres asemeyaes, pasaron o pueden llegar a pasar, si ye que nun tán pasando agora mesmo. Son dramátiques, anque'l dramatismu a veces resuélvese en risada. Pero ye esi tipu de risa que sabemos usar d'esconxuru, cuando nos rimos de lo cruel que ye la vida, de lo que nos cuesta vivila, d'esa parte mala qu'a veces nos toca vivir.

Manuel García Menéndez (Uviéu, 1962) ye llicenciáu n'Historia. Nos años ochenta publicó dos obres de lliteratura infantil. En 2013 editó la que pue considerase la so primer novela: 'La Sienda del Amigu Feliz'. Tres ganar, en 2018, la XXXIX edición del Premiu Xosefa Xovellanos de Novela con 'El visitante impropiu', en 2019 publicó 'El faru de Gram'.