Denuncien que la Universidá d'Uviéu impide a un estudiante presentar el so TFG n'asturiaanu

Iniciativa pol Asturianu denunció esti xueves que la Universidá d'Uviéu impidió a un estudiante del gráu d'Historia usar l'asturianu nel so Trabayu de Finde Grau (TFG).

Según señalaron al través de nota de prensa, los docentes nun punxeron problema nel usu del asturianu como llingua pa entregar y defender el TFG. Sicasí, díes depués, comunicóse al alumnu que l'alministración refuga l'usu d'esti idioma na memoria de verificación.

Iniciativa diz qu'esta decisión ye contraria a la llexislación vixente y reclamó la oficialidá «pa llograr d'esta manera la igualdá de drechos y que naide tenga torgues a la hora d'usar la llingua que llibremente decida».

Amás, pide a la Universidá d'Uviéu que garantice'l drechu al usu llibre del asturianu na presentación del TFG y una modificación del Reglamentu que permita que puedan presentase les tesis y cualquier trabayu n'asturianu.