N'ayuri. Temporada 3. Episodio 9
Falamos con Nuramay
Dende Piloña, Maxi Areñes y Maitetxu Isla dan vida a Nuramay, un dúu folk que recuei soníos de munchos llugares. Una música que fala de raigaños, memoria y emoción compartida
Nuramay ye'l proyectu que xune a Maxi Areñes y Maitetxu Isla, dos músicos piloñeses que, dende la emoción y el rigor, tán construyendo un camín propiu dientro del folk asturianu contemporaneu. El dúu nacía como una desconexón creativa de Fontoria —el proyectu personal d'Areñes—, pero acabó convirtiéndose nuna propuesta con voz propia y fonda coherencia artística.
Nel so primer discu, Cantares de tierra y mar, recueyen soníos y melodies de munchos llugares: romances medievales, cantares sefardíes, balades mediterránees y temes propios que beben d'eses fontes ensin perder autenticidá. Toos esos elementos xúntense como un mapa emocional que viaxa pela memoria colectiva.
El nome Nuramay vien de la unión de Nura —el nome feniciu de Menorca— y May, por Maitetxu, simbolizando un diálogu ente territorios y sensibilidaes. Nel discu conviven l'intimismu, la tradición y la esperimentación, con voces, instrumentos y arreglos que faen de cada cantar una pieza viva.
La propuesta de Nuramay fala de raigaños, pero tamién de modernidá, de la emoción como motor creativu y de la música como una forma de tender puentes ente cultures. Con Cantares de tierra y mar, Areñes y Isla amuesen que la tradición, cuando s'ama y se reinventa, sigue teniendo munchu que contar.
Disponible en:
Medios humanos
-
Directora: Mónica Yugueros
-
Director de producción: Miguel Rojo
-
Entrevistador: Pablo Antón Marín Estrada
-
Técnicos d'imaxe, edición y soníu: Aida García Fresno, Carmen Muñiz y Diego Abejón
-
Diseñadora gráfica: Samantha Stibaly Acosta Torrillas
-
Responsable del diseñu y publicación web: Víctor Coto
