Mieres convoca el Premiu de poesía Teodoro Cuesta

El conceyu de Mieres ta acabante convocar el Premiu de Poesía Teodoro Cuesta, ún de los más prestixosos nel so xéneru y que con esta suma ya la so trenta y dos edición. Dotáu con una cuantía única de 4.000 euros, pueden participar nél toles persones que quieran con un poemarios inéditos, orixinales y escritos en llingua asturiana. Pueden presentase al premiu los trabayos que nun fueran publicaos enantes en papel o en medios dixitales y que nun algamaran nengún otru concursu lliterariu. La estensión mínima ye de 500 versos y los testos habrán presentase impresos per una cara namás en formatu DIN-A4. Caún de los participantes puede enviar un másimu de dos trabayos orixinales y el plazu d'admisión fina el prósimu 10 d'ochobre. La entrega de los poemarios ha facese bien al traviés del Rexistru Xeneral del Ayuntamientu de Mieres o per corréu postal a la Secretaría de la Casa de Cultura Teodoro Cuesta. El fallu del xuráu va dase a conocer nun plazu másimu d'un mes, acabante'l plazu d'almisión y les bases completes pueden consultase nel BOPA.

Temas

• Alitar Asturies