Nueves ayudes a la creación lliteraria

P. A. M. E. La viceconseyería de Cultura del Principáu ta acabante publicar la convocatoria de subvenciones a la creación lliteraria pal añu 2024 en cualesquiera de les dos llingües propies d'Asturies. La cifra total empobinada a esta partida sube nesta ocasión a los 48.000 euros y el plazu pa presentar proyectos fina'l prósimu 26 de xineru. Les bases pueden consultase nel BOPA y establecen dos llinies d'ayudes, una dirixida a profesionales autónomos del ámbitu cultural y otra a escritores que nun se dediquen profesionalmente a esi campu. Les modalidaes nes que se puede concurrir son narrativa (novela, novela curtia o llibru de relatos), poesía, teatru, cómic y novela gráfica, ensayu sobre temes d'humanidaes y lliteratura xuvenil.

Temas

• Alitar Asturies