Convocaos los premios lliterarios del Principáu

P. A. M. E. Hasta'l prósimu día 17 d'abril ta abiertu'l plazu de presentación de trabayos pa los gallardones lliterarios que convoca añalmente la Conseyería de Cultura del Principáu. Trátase de los premios Xosefa Xovellanos de novela, Xuan María Acebal de poesía, Máximo Fuertes Acevedo d'ensayu, María Josefa Canellada de lliteratura infantil y xuvenil, Alfonso Iglesias de cómic, Florina Alías de traducción, Enriqueta G. Rubín de narrativa moza, Camaretá al meyor cantar n'asturianu y el Nel Amaro de producciones teatrales.