Recuerdos

–Ay fiu, ya tás otra vez con la señardá. De vez en cuando vuelves p'atrás y nun tas del tou acertau.

–D'aquella tú toavía tabes escuchando en'a radio de Tona, a Concha Piquer y si acasu al Dúu Dinámicu pero poco más. Veníes a veme a Xixón y aún llevabes pantalón curtiu, y tiempu dispués el del Xardín de Somió nun te dexaba entrar y dicía que yeres un pipiolo. Lo tuyo con los Bitles fue dispués Danielín.

–Pero mira, voy repitite una historia que ya te contenté munches veces y ye más real que toes eses histories de peludos, que ties en'a cabeza, y fundamental que nun se te olvide. Cúmplense agora noventa'ños d'ello. La cosa taba muy mal y Alejandro Lerroux, presidente del Gobiernu y líder del Partíu Republicanu Radical, empeorólo metiendo en'el gobiernu de la República, a varios miembros de la CEDA, la Confederación Española de Dereches Autónomes, de José María Gil Robles. La cosa taba muy fastidiá y aquellos devaneos con la derecha nun gustaben na y la xente taba farta de tó menos de comer, y los socialistas con'a ayuda de los sindicatos quisieron arreglalo. Huelgues por tos los llaos. Pol sur les de los del campu de Andallucía y Extremaura, La Mancha y munchos sitios. Pero a los probes diéronllos como pa'l zorro y acabáronse pronto. Eso sería en xuno y en ochobre fue cuando la brutalidá llegó a Asturies.

To Pá y to Má llevaben casaos solo dos años y pillolos en'a mina. To padre participó de la revuelta y d'ahí hasta que nun acabó la guerra nun paró d'un llau pa otru. Llibrose de tar entre los más de 1.500 muertos de la revolución y tamién de los más de 17.000 que dexó la guerra solo aquí n'Asturies. Munchos dicin que los mineros bebíen muncho. Y con lo que pasaron ¿Quién ye el valiente que pasa por una salvajá semexante, va'trabayar a 300 metros baxo tierra y nun tira de la bota vino? Esto vuelvo a contátelo pa que nunca t'olvides d'ello.

¡Ah! dos coses. Una, ¿nun serán tan simples de creyer que el Soporting un xuega meyor por culpa l'entrenaor? Y otra, ¿quiren oficializar l'asturianu y llameni 'sidre' a la sidra?'

Pues vaya recuerdos que guardas abuela. Quizá sea mejor seguir con Los Beatles.